Údemeli ındýstrııalyq-ınnovatsııalyq damý baǵdarlamasy boıynsha energetıka salasynda 13 joba júzege asyrylýda
Bul jaıly búgin Almatyda ótip jatqan "Innovatsııalar, energo jáne resýrsjınaqtaý tehnologııalary elektrenergetıka salasyn jańartýdyń negizi" dep atalatyn energetıkalyq forýmynda aıtyldy.
"Qazirgi tańda elektrenergetıka salasynda 2010-2014 jyldarǵa arnalǵan memlekettik údemeli ındýstrııalyq-ınnovatsııalyq damý baǵdarlamasy boıynsha 13 joba júzege asyrylýda. Onyń ishinde keıbir nysandar aıaqtaldy. Atap aıtqanda "Atyraý" jylý elektr ortalyǵyn keńeıtý jáne qaıta qurý, Almaty qalasy Almaty oblysynda 4 kishi stansa salý, "Aqsý GRES-1" 2-energoblogyn qalpyna keltirý, Oral GTES qurylysy. Endi jyl sońyna deıin Aqshabulaq GTES-i men Moınaq GES-iniń qurylysy aıaqtalady", - deıdi Indýstrııa jáne jańa tehnologııalar vıtse-mınıstri Baqytjan Jaqsalıev. Onyń aıtýynsha, jobalyq qýaty 300 MVt bolatyn Moınaq GES-niń Qazaqstannyń ońtústigin energııamen qamtamasyz etýdegi mańyzy óte zor. Bul TMD elderi aýmaǵynda tuńǵysh ret júzege asyrylyp otyrǵan biregeı joba.
