Údemeli ındýstrııalyq-ınnovatsııalyq baǵdarlamany júzege asyrý maqsatynda el Parlamentiniń qaraýyna birqatar zań jobalary usynylmaq
Bul týraly búgin Indýstrııa jáne jańa tehnologııalar vıtse-mınıstri Berik Kamalıev BAQ ókilderimen bolǵan baspasóz máslıhaty barysynda málim etti.
Onyń atap ótýinshe, baǵdarlamanyń barlyq jumystarynyń uıymdasqan túrde júrýi úshin mınıstrlikke birqatar zań jobalaryna túzetý engizýdi qajet etedi. «Eń bastysy bul «Indýstrııalyq saıasat týraly» zań jobasy. Qazirgi ýaqytta onymen jumys toby aınalysýda. Biz sonymen qatar «Arnaıy ekonomıkalyq aýmaq týraly» zań jobasyn jańa redaktsııada usynbaqpyz. Qazirdiń ózinde atalǵan zań jobasynyń eski nusqasynda uıymdastyrý aıasyndaǵy qarapaıym máselede onymen aınalysýǵa tıisti qurylysty salyp jatqan kásiporynnyń dırektsııasy jáne operator kompanııa bar. Árıne bizdiń munyń barlyǵyn kórip, jaıly, jedel, uıymdasqan túrde basqarý qajettinin baıqap otyrmyz . Arnaıy ekonomıkalyq aımaqqa ınvestorlardy kóptep tartý úshin jeńildikter, preferentsııalar bolýy qajet», dedi ol.
Vıtse-mıınstrdiń sózine qaraǵanda, bıznes birlestikterdiń, qaýymdastyqtardyń usynystary boıynsha Eńbek jáne Salyq kodeksteri, «Investıtsııa týraly», «Jer jáne jerdi paıdalaný týraly» Zańdary Parlament qaraýyna usynylmaq.
Sondaı-aq elektr energetıkasy, ruqsat berý júıesin jetildirý, bankrottyq, básekelestik, tehnıkalyq retteý jáne metrologııa syndy máseleler boıynsha birqatar zań jobalaryna ózgertýler men tolyqtyrýlar engizý maqsatynda Parlament qaraýyna beriledi.
