Údemeli ındýstrıaldyq-ınnovatsııalyq damý baǵdarlamasy boıynsha energetıka salasynda 13 joba júzege asyrylýda - Baqytjan Jaqsalıev
MATY. 1 qarasha. QazAqparat /Erlik Erjanuly/ - Bıylǵy jyldyń aıaǵynda Aqshabulaq GJES pen Moınaq GES-niń qurylysy aıaqtalady. Bul búgin Almatyda ótip jatqan "Innovatsııalar, energııa jáne resýrs jınaqtaý tehnologııalary elektr energetıkasy salasyn jańartýdyń negizi" dep atalatyn energetıkalyq forýmynda aıtyldy.
"Qazirgi tańda elektr energetıkasy salasynda 2010-2014 jyldarǵa arnalǵan memlekettik údemeli ındýstrıaldyq-ınnovatsııalyq damý baǵdarlamasy boıynsha 13 joba júzege asyrylýda. Onyń ishinde keıbir nysandar aıaqtaldy. Atap aıtqanda, "Atyraý" jylý elektr ortalyǵyn keńeıtý jáne qaıta qurý, Almaty qalasy, Almaty oblysynda 4 podstantsııa salý, "Aqsý GRES-1" 2-energoblogyn qalpyna keltirý, Oral GJES qurylysy. Endi jyl sońyna deıin Aqshabulaq GJES pen Moınaq GES qurylysy aıaqtalady", - deıdi ındýstrııa jáne jańa tehnologııalar vıtse-mınıstri Baqytjan Jaqsalıev.
Onyń aıtýynsha, jobalyq qýaty 300 MVt bolatyn Moınaq GES-niń Qazaqstannyń ońtústigin energııamen qamtamasyz etýdegi mańyzy óte zor. Bul TMD elderi aýmaǵynda tuńǵysh ret júzege asyrylyp otyrǵan biregeı joba.
