Ýchaskelik medıtsına mamandaryna ústemeaqy tóleýge jyl saıyn 300 mln dollar bólinedi
ASTANA. KAZINFORM – Densaýlyq saqtaý mınıstri Aqmaral Álnazarova Astanada medıtsınalyq-sanıtarııalyq alǵashqy kómektiń tıimdiligine arnalǵan halyqaralyq kongreste medıtsına qyzmetkerleriniń jalaqysyn kóterý týraly aıtty.
Onyń sózinshe, Memleket basshysynyń tapsyrmasymen densaýlyq saqtaý salasyndaǵy túrli qyzmet mamandarynyń jalaqysy kezeń-kezeńimen kóterilip keledi.
– Kelesi kezeńde, ıaǵnı 2027 jylǵy 1 qańtardan bastap medıtsınalyq-sanıtarııalyq alǵashqy kómek kórsetetin ýchaskelik qyzmettiń 77 myńnan astam mamanyna úzdiksiz eńbek ótili úshin ústemeaqy tólenedi. Bul maqsatqa jyl saıyn shamamen 300 mln AQSh dollary bólinedi, – dedi mınıstr.
Aqmaral Álnazarova bul bastamany Memleket basshysy qoldaǵanyn, tıisti qarjylandyrýdy Respýblıkalyq bıýdjet komıssııasy bekitkenin atap ótti.
– Ústemeaqy mólsheri úzdiksiz eńbek ótiliniń uzaqtyǵyna baılanysty bolady. Bul tetik mamandardyń kásibı tájirıbesin baǵalaýǵa, eń bastysy, olardy alǵashqy býynda saqtap qalýǵa múmkindik beredi, – dedi ol.
Aıta keteıik, buǵan deıin medıtsına qyzmetkerleriniń jalaqysy qanshaǵa ósetinin jazǵanbyz.
