Ýchaskelik polıtsııa sýıtsıd jasamaq bolǵan turǵynnyń ómirine arasha tústi
KÓKShETAÝ. QazAqparat – Aqmola oblysynda sýıtsıd jasamaq bolǵan er adamdy ýchaskelik polıtsııa qutqardy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, keleńsiz jaǵdaı 8 naýryzda Tselınograd aýdanynyń Sofıevka aýylynda bolǵan. Polıtsııa qyzmetkeriniń jaqsylyǵy týraly ómirimen qoshtaspaq bolǵan er adamnyń týystary alǵys aıtqan kezde ǵana belgili boldy.
«Aýyldyń ýchaskelik ınspektory, polıtsııa kapıtany Rahat Janasovqa 8 naýryz kúni saǵat 16:30 aýyldyń 40 jastaǵy turǵyny mas degen aqparat tústi. Aıtylǵan úıge barǵan ol esiktiń jabyq turǵanyna kóredi. Jaısyzdyqty ishi sezgen ol esikti buzyp, úıdiń ishine kiredi», - deıdi vedomstvodan.
Tártip saqshysy úıdiń ishindegi jylý batareıasynyń janynda moınyna jip baılanǵan, es-tússiz jatqan er adamdy kóredi. Rahat Janasov birden onyń moınyndaǵy jipti sheship, jedel medıtsınalyq kómek brıgadasyn shaqyrady.
«Qazirgi kezde aýyl turǵyny týystarynyń qaramaǵynda, onyń ómirine esh qaýip tónip turǵan joq. Týystary onyń ómirine arasha túsken tártip saqshysyna alǵysn bildirýde» - dep tolyqtyrdy vedomstvodan.
