Ýchaskelik polıtsııa ınspektorlarynyń 60 paıyzy tártiptik jaýapkershilikke tartyldy - Ahmetjan Esimov
ALMATY. 9 tamyz. QazAqparat - Ýchaskelik polıtsııa ınspektorlarynyń qyzmetine qatysty turǵyndardyń aryz-shaǵymy kóp.
Ony qala ákimi Ahmetjan Esimov búgin Almatyda turǵyn-úı kommýnaldyq sharýashylyq, qysqy jylý maýsymyna daıyndyq pen qoǵamdyq tártipti saqtaý máselelerine arnalǵan alqaly jıynda aıtty.
«2011 jyly 241 ýchaskelik polıtsııa ınspektory nemese jeke quramnyń 60 paıyzy tártiptik jaýapkershilikke tartylǵan. Óz jumysynda qandaı da bir tártip buzǵany úshin. Turǵyndar tarapynan aryz-shaǵymdar kóp, kóbi olardy bilmeıdi. Ýchaskelik ınspektorlar túrli prıtondardy, nashaqorlardy jasyryp, zańsyz saýdaǵa yqpal etýde. Keıbireýleri ony búrkemelep, jelep-jebeıdi», - dedi A.Esimov. Shahar basshysy, qoǵam ókilderiniń quqyq qorǵaý organdarynyń qyzmetin baqylaýdaǵy rólin joǵary baǵalady. Jurtshylyq tarapynan túsken anyqtamanyń biri Jetisý aýdanyndaǵy Seıfýllın dańǵyly 57-úıde ornalasqan №86 tirek pýnktine qatysty. Onda polıtsııa kapıtany Rýslan - Marat, Azamat, Baýyrjanmen birge jezókshelerge qorǵanysh bolady eken. Ahmetjan Smaǵululy: «Búgingi kúnniń ózge de keıipkerleri týraly meniń qolymda qazir túrli anyqtamalar bar fotomaterıaldarymen. Ony qazir Іshki ister departamenti bastyǵyna berem. Tıisti sheshim qabyldaıdy dep senem», - degendi aıtty. Sondaı-aq ekonomıka basqarmasyna zań bólimimen birlesip polıtsııa tirek pýnkterin jertóleler men kózden taza jerlerden jurtshylyq nazaryna birden túsetin jerlerde salý úshin arnaıy qarjy bólý jaıyn qarastyrýǵa tapsyrma berdi. Bul qarajat ákimdikten, ne ishki ister departamenti tarapynan bólinýi múmkin. Tirek pýnkteri quzyrly organ qyzmetkereleriniń jedel sheshim qabyldaýy jáne óz qyzmetterin atqarý kezinde sonda turý úshin salynbaq.
