Ýchaskelik polıtseıler halyqpen keri baılanys ornatýǵa múddeli - Erlan Tuǵymbaev
«Ýchaskelik ınspektorlar qarapaıym azamattarmen kúndelikti baılanys jasap, kez-kelgen oqys jaǵdaıda birinshi bolyp kómekke kelip, olardyń máselelerin muqııat tyńdap, sheshimin tabýǵa kómektesedi. Turǵyndar túrli problemalarymen, otbasylyq máselelerimen nemese kórshilermen janjal týyndaǵan kezde eń birinshi ýchaskelik ınspektorlarǵa ótinishpen júginedi. Ýchaskelik ınspektorlardyń kúndelikti jumystary kózge kórine bermese de, olar azamattardyń qaýipsizdigin qamtamasyz etý, qoǵamdyq tártipti saqtaý jolynda kúrdeli jumystar atqarady.
Jergilikti polıtsııa qyzmetin reformalaýdaǵy basty róldi Memleket basshysy Qasym-Jomart Toqaev «jurtqa jaqyn polıtsııa» qaǵıdasy boıynsha ýchaskelik ınspektorlarǵa berip otyrǵany da kezdeısoq emes», dedi mınıstr.
Sonymen qatar, mınıstr ishki ister organdarynyń qyzmetin jetildirýdiń basym baǵyttarynyń biri - azamattyq qoǵammen áriptestik qatynastardy, halyqpen ózara baılanys jasaýdyń ártúrli ádisterin qoldaný jáne ony damytý bolyp tabylatyndyǵy týraly aıtty.
«Qazirgi ýaqytta problemalyq máselelerdi zerdeleý, qyzmet kórsetiletin ýchaskelerde quqyq buzýshylyqtardy boldyrmaý úshin «Ýchaske» jedel-aldyn alý is-sharasy júrgizilýde.
Ýchaskelik polıtseıler halyqpen tikeleı keri baılanys ornatýǵa múddeli. Ol úshin qarapaıym baılanys quraldary, áleýmettik jelidegi messendjerler qoldanylady. Polıtsııa ýchaskeleriniń, qyzmet kórsetý aýmaqtarynyń ornalasqan mekenjaıy, ýchaskelik polıtsııa qyzmetkerleri týraly derekter men baılanys telefondary polıtsııa departamentteriniń saıttarynda, qalalyq, aýdandyq polıtsııa bólimsheleri bastyqtarynyń áleýmettik jelilerdegi paraqshalarynda ornalastyrylǵan. Halyqqa jaqyn bolý maqsatynda ýchaskelik polıtseılerdi kórshiler qurǵan toptyq chattarǵa «qosý» jumystary júrgizilýde. Ol chat arqyly barlyq habarlardy jedel alyp, shuǵyl habarlamalar jasaýǵa bolady. Turǵyndar chatta aqparattarmen bólisip otyrady. Mysaly, aýlada júrgen kúdikti beıtanys adam týraly eskertedi, oınap júrgen bala kenetten joǵalyp ketken jaǵdaıda kómek suraıdy. Mundaı toptarda jergilikti polıtsııa qyzmeti ókiliniń bolýy ártúrli jaǵdaılarǵa jedel den qoıýǵa, azamattardyń qaýipsizdigin qamtamasyz etý, quqyq buzýshylyqtardyń aldyn alý, onyń ishinde otbasy-turmystyq janjaldar kezinde ýaqytyly shara qabyldaýǵa kómektesedi. Ýchaskelik ınspektor azamattardyń resmı aryzdanýyn kútpeı-aq, olardy dereý sheshýge áreket etip, tıimdi sharalar qoldanady jáne qajet bolǵan jaǵdaıda qosymsha kúshterdi shaqyrady.
Azamattarmen ózara baılanys jasaýdyń mundaı tásili keıbir óńirlerde qoldanysqa engizilgen jáne óz tıimdiligin kórsetti. Bul týraly halyq ta jaqsy pikirde. Sondyqtan bul tájirıbeni tek megapolıster men iri qalalarda ǵana emes, barlyq aımaqta engizýge tolyq negiz bar. Men tıisti nusqaýlar men tapsyrmalardy barlyq aýmaqtyq polıtsııa bólimshelerine berdim. Turǵyndar bizdiń jańa bastamamyzdy oń baǵalap, qarapaıym azamattardyń qaýipsizdigin qamtamasyz etý maqsatynda ýchaskelik ınspektorlardyń jumysyna belsendi atsalysatynyna senimdimin», - dep tolyqtyrdy mınıstr.