Ýchaskelik polıtseıge bir-bir ardager-kómekshiden bekitý usynyldy: Turǵymbaevtyń óńirlerge saparynan
Oblys ákimi Serikbaı Turymovpen kezdesý barysynda ІІM basshysy quqyq buzýshylyqtyń aldyn alýda ýchaskelik ınspektorlar jumysynyń mańyzy zor ekenin atap ótti. Sondyqtan oblysta ýchaskelik pýnkter jelisin qurý qolǵa alynǵan. Osy jyldyń aıaǵyna deıin óńirde osyndaı 14 pýnkt salynady.
Elimizdiń bas polıtseıi Polıtsııa departamentiniń óńirdegi birqatar nysanyn aralady. Olardyń qatarynda Aqtaý qalasynyń jaǵalaýynda ornalasqan «Kaspıı» modýldik statsıonarlyq beketi bar. Beınekameralardyń kómegimen bul beket jaǵalaý aımaǵyn tolyq baqylaýdy júzege asyrady jáne táýlik boıy qoǵamdyq qaýipsizdikti qamtamasyz etedi.
Qazirgi ýaqytta Aqtaý qalasynda 127 kamera jumys isteıdi jáne jaqyn arada taǵy 600 kamera ornatý josparlanýda.
Sonymen qatar, mınıstr quqyqtyq tártipti qamtamasyz etýdegi eriktilerdiń rólin erekshe atap ótti. Óńirde myńnan astam adam polıtsııaǵa óz erkimen kómektesýde. Olar joǵalǵan adamdardy izdeýge, reıdtik jáne aldyn alý is-sharalaryn júrgizýge qatysady. Ýchaskelik jáne patrýldik qyzmetkerlerimen birge olar quqyqtyq túsindirý jumystaryn júrgizedi. Erlan Turǵymbaev eriktilerdiń belsendi azamattyq ustanymyn joǵary baǵalap, yntymaqtastyq úshin alǵysyn bildirdi.
ІІM basshysy sondaı-aq Mańǵystaý oblysyndaǵy polıtsııa murajaıynda bolyp, ishki ister organdarynyń ardagerlerimen kezdesý ótkizdi. Olardyń bastamalary men usynystaryn tyńdady. Ardagerler ýchaskelik ınspektorlarǵa óz erikterimen kómektesýge nıet bildirip, árbir tirek pýnktine ózderin bir-birden bekitýdi usyndy.
Polıtsııa nysandaryn aralaý kezinde Erlan Turǵymbaev el basshylyǵynyń quqyq qorǵaý organdaryn reformalaý jónindegi tapsyrmalarynyń oryndalýyn barysyn tekserdi, sondaı-aq óńirdegi polıtsııa qyzmetiniń 2021 jylǵa arnalǵan basym baǵyttaryn aıqyndady.
Aıta keteıik, keshe QR Іshki ister mınıstri Erlan Turǵymbaev jumys saparymen Atyraý oblysynda bolǵan edi.
