Ýchaskelik ınspektorlardyń róli kúsheıtiledi - Erlan Turǵymbaev
NUR-SULTAN. QazAqparat – Ýchaskelik ınspektorlardyń róli kúsheıtiledi. Bul týraly Іshki ister mınıstri Erlan Turǵymbaev málim etti, dep habarlaıdy QazAqparat tilshisi.
«Qarapaıym azamattarǵa qamqor bolyp, olardyń máselesin sheshý úshin ýchaskelik ınspektorlardyń róli kúsheıtiledi. Prezıdent atap kórsetkendeı, ýchaskelik polıtsııa halyqtyń arasynda júrýi tıis. Ol úshin shtat sanyn nyǵaıtý, materıaldyq-tehnıkalyq jaǵynan kúsheıtý, ýchaskelik pýnkttermen qamtamasyz etý qajet. Sosyn olardyń mártebesin zańmen bekitken durys», - dedi mınıstr Úkimet otyrysynda.
Onyń sózine qaraǵanda, elimizde 2 myń 800 ýchaskelik polıtsııa pýnkttiń teń jartysy jóndeýdi qajet etedi. Qosymsha 279 ýchaskelik pýnkt salyp, qyzmettik avtokólik satyp alý qajet.
