Ýchaskelik ınspektorlar is-qımylynyń arnaıy algorıtmi ázirlendi
«Sarapshylarmen birge ýchaskelik ınspektorlar men olardyń kómekshileri is-qımylynyń arnaıy algorıtmin ázirledik. Bul óz kezeginde ózderiniń qyzmettik mindetterin oryndaý kezindegi tıisti qadamdarynyń jıyntyǵy. Olardy tájirıbe júzinde naqty ári birkelki oryndaý quqyqtyq qatelikterdi aıtarlyqtaı qysqartýǵa múmkindik beredi. Halyqaralyq tájirıbede osyndaı algorıtmder kóbine «standartty operatsııalyq rásimder» dep atalady», - dedi komıtet basshysy Ortalyq kommýnıkatsııalar qyzmetinde.
Onyń aıtýynsha, atalǵan termın EQYU baǵdarlamalar keńsesimen birlese engizilip jatyr. Algorıtmderdi daıarlaýǵa vedomstvolyq ǵylym men tájirıbelik saladaǵy 50-den astam maman qatysty.
«Zańnamany jetildirý úrdisine qaraı algorıtmder jańartylyp turady. Yńǵaıly bolýy úshin qazir arnaıy mobıldi qosymshany ázirlep jatyrmyz. Qosymsha ýchaskelik ınspektorlar men olardyń kómekshileriniń jumys planshetterine júkteledi», - dedi ol.
Budan buryn habarlanǵandaı, Murat Baımuqashev ýchaskelik polıtsııa jumysynyń tıimdiligin arttyrý jospary týraly aıtty.