Ýchaskelerde saılaýshylardyń turatyn jerin anyqtaıtyn onlaın servıs iske qosylady

ASTANA. QazAqparat – Saılaý ýchaskelerinde azamattardyń naqty turǵylyqty jerin tekserýdiń onlaın servısi uıymdastyrylady. Bul týraly Ortalyq saılaý komıssııasy tóraǵasynyń orynbasary Konstantın Petrov málimdedi, dep habarlaıdy QazAqparat tilshisi.

«Barlyq saılaý ýchaskelerinde azamattar ózderiniń saılaýshylar tizimine engizilgenin tekserýge quqyly. Barlyǵyna ózderin saılaýshylar tiziminde tekserý boıynsha SMS habarlamalar jibireildi. Bul daýys berý kúninde túsetin ótinishter sanyn azaıtý úshin jasaldy. Oǵan memleket tarapynan qosymsha shyǵyndar qarastyryldy. Kesheden bastap ekinshi ret SMS habarlamalar jiberip jatyrmyz. Biz búgin jergilikti atqarýshy organdarǵa qate habarlama alǵandar bolsa, onda olardy anyqtap qaıta qaraýyn surap, ótinish joldadyq», - dep atap ótti Konstantın Petrov.

Onyń aıtýynsha, saılaýshylardyń tizimi naqtylanǵannan keıin ol «Azamattarǵa arnalǵan úkimet» memlekettik korporatsııasyna jiberiledi.

«Ekinshi aqparattyq habarlamalar durys bolýy kerek. Eger qandaı da bir qatelikter bolsa, olardy túzetý qajet. Ár saılaýda biz daýys berýshiler tiziminen ózin taba almaıtyn adamdar bolatynyn baıqaımyz. Sondyqtan, azamattarǵa barynsha yńǵaıly bolý úshin biz saılaý ýchaskelerinde azamattardyń naqty turǵylyqty jerin tekserýdiń onlaın servısin uıymdastyramyz. Eger azamat basqa qalada tirkelgen bolsa, ony saılaýshylar tizimine engize almaımyz. Ol úshin saılaýshy 30 kún buryn ótinish basqa ýchaskede daýys beretinin rastap, ótinish berýi tıis», - dedi Konstantın Petrov.

Eske sala keteıik, buǵan deıin Ortalyq saılaý komıssııasy tóraǵasynyń orynbasary Konstantın Petrov aldaǵy saılaýdy ótkizý kezeńderin túsindirgen bolatyn.