Ýchaskelerde foto jáne vıdeo túsirýge kimderge ruqsat etiledi
ASTANA. KAZINFORM — Referendým kúni daýys berý oryndarynda tek baıqaýshylar men BAQ ókilderi ǵana túsirilim jasaı alady. Bul jóninde QR Ortalyq referendým komıssııasy málimdedi.
— Baıqaýshylar men jýrnalıster foto jáne vıdeo túsirý barysynda daýys berý qupııasyn saqtaýǵa mindetti. Sondaı-aq azamattardyń jeke derekterin taratpaýy jáne komıssııa músheleriniń jumysy men daýys berý barysyna kedergi jasamaýy tıis, — delingen habarlamada.
Aıta keteıik buǵan deıin referendýmǵa 38 shetelden 133 baıqaýshy jáne 11 halyqaralyq uıymnan 226 baıqaýshy akkredıtatsııadan ótkenin jazǵanbyz. Halyqaralyq baıqaýshylardyń jalpy sany — 359 adam.
Sonymen birge referendým kúni 31 shet memlekettiń 68 buqaralyq aqparat quralynyń 185 qyzmetkeri aqparat taratatynyn habarlaǵanbyz.
