Ýchaskeler daýys berýge daıyn jáne zańnama talaptaryna saı — Ortalyq referendým komıssııasy
ASTANA. KAZINFORM — Ýchaskelerde múgedektigi bar adamdar úshin barlyq jaǵdaı jasalǵan. Bul jóninde Ortalyq referendým komıssııasy málimdedi.
— Ýchaskelerde arnaıy buryshtar jasaqtalǵan. Olar kompıýterler, lýpalar, qosymsha jaryqtandyrý, daýys berý bıýlletenine arnalǵan Braıl qarpimen trafaretter, sondaı-aq Konstıtýtsııa jobasynyń memlekettik jáne orys tilderindegi aýdıo nusqasymen jabdyqtalǵan. Sonymen qatar ǵımarattar pandýstarmen, kireberiste taktıldik kórsetkishtermen jáne ishki navıgatsııamen qamtamasyz etilgen, — delingen ORK aqparatynda.
Sonymen birge referendým kúni ınvataksı jáne sýrdoaýdarmashylardyń qyzmetteri qarastyrylady.
Eldiń úsh óńirinde — Aqtóbe, Qostanaı jáne Pavlodar oblystarynda pılottyq joba júzege asyrylady. Atalǵan aımaqtarda múgedektigi bar daýys berýshiler úshin ınnovatsııalyq sheshimder engizilgen bir ýchaske jumys isteıdi.
Aıta keteıik buǵan deıin Atyraýda referendým jáne áz-Naýryz kúni qoǵamdyq kólikter jolaýshylardy tegin tasymaldaıtynyn jazǵanbyz.
