UBT: Úshinshi kún qorytyndysy - talapkerlerdiń 28,9 paıyzy shekti deńgeıdi eńsere almady
ASTANA. 6 maýsym. QazAqparat - Ulttyq biryńǵaı testileýdiń úshinshi kúngi qorytyndysy boıynsha test tapsyrǵan 74943 talapkerdiń 20693-i shekti deńgeıden óte almady.
Ulttyq testileý ortalyǵynyń habarlaýynsha, maýsymnyń 3-i men 5-i aralyǵynda ótkizilgen testileýge 71592 bitirýshi qatysty, onyń ishinde qazaq tilinde - 49058 bitirýshi, orys tilinde - 22534 bitirýshi. Eń joǵary nátıje - 125 baldy 3 bitirýshi jınady. Olar: Ásel Aıtkenova, Aıda Iskak jáne Botagóz Quspanǵalıeva.
Aǵymdaǵy jyly qorytyndy attestattaýdy UBT túrinde tapsyrýǵa 99565 bitirýshi tilek bildirgen, onyń ishinde: 68316 bitirýshi qazaq tilinde, 31249 bitirýshi orys tilinde. 2012 jyly testileýge 121059 ótinish berilgen, onyń ishinde qazaq tilinde 82383 bitirýshi, orys tilinde 38676 bitirýshi.
