UBT: Ulttyq testileý ortalyǵy tegin onlaın sabaq ótkizip jatyr
Atalmysh ortalyq Ulttyq biryńǵaı testileýdi uıymdastyrýmen jáne ótkizýmen aınalysady.
Onlaın sabaqtar iri respýblıkalyq bilim berý ortalyqtarymen birlesip ázirlendi. Sabaqtar bilim berý ortalyqtarynyń YouTube arnalarynda tikeleı efırde ótkiziledi. Onlaın sabaqtyń barlyq efıri saqtalady, ıaǵnı ony talapker kez-kelgen ýaqytta kóre alady.
«Mınıstrlik testileý kezinde ǵana emes, onyń bastalýyna deıin de qolaıly jaǵdaı jasaý úshin jumys júrgizip jatyr. Túlekterdiń UBT-ǵa daıyndyǵyn Ulttyq testileý ortalyǵy bilim berý ortalyqtarymen birlesip ekinshi jyl ótkizip otyr. Byltyr 376 saǵat onlaın sabaq ótkizildi. Oǵan elimizdiń barlyq óńiriniń mektep túlekteri qatysty. Olar qazaq tili, qazaq ádebıeti, Qazaqstan tarıhy, matematıka, hımııa, bıologııa, fızıka, geografııa jáne basqa da pánder boıynsha daıyndyqtan ótti. Bıyl ótken jylmen salystyrǵanda túlekterdi qabyldaý emtıhandaryna daıyndaýǵa qatysyp jatqan bilim berý ortalyqtary men onlaın platformalar sany artty. Joba bıýdjet qarajatyn jumsamaı iske asyrylǵanyn atap ótkim keledi», - dedi Ulttyq testileý ortalyǵynyń dırektory Rýslan Emelbaev.
Talapkerlerge arnalǵan onlaın sabaqtar osy oqý jylynyń sońyna deıin jalǵasady.
Tegin onlaın sabaqtar myna keste boıynsha ótkiziledi:
• Qazbilim ortalyǵy Youtube kanalynda https://www.youtube.com/c/QAZBILIMTV
tikeleı efırde qazaq tilinde kún saıyn saǵat 20.00-de (Nur-sultan qalasynyń ýaqyty boıynsha);
• Educon Dostyk YouTube arnasynda tikeleı efırde ár seısenbi kúni saǵat 19.00-de qazaq tilinde, saǵat 20.00-de orys tilinde;
• Zerdeli-ár seısenbi men beısenbi kúnderi saǵat 20.00-de YouTube arnasynda;
• Sabaq online ár senbi saıyn saǵat 15.00-de YouTube arnasynda ;
• Samga juma kúni saǵat 20.00-de YouTube arnasynda ;
• Daryn online ár seısenbi, sársenbi, beısenbi jáne juma kúnderi saǵat 18.00-de YouTube arnasynda tikeleı efırde daıyndyq sabaqtaryn ótkizedi.
