UBT: Tyıym salynǵan zattardy qoldanǵan jáne tártip buzǵan 33 bitirýshi testileýden shyǵaryldy
ASTANA. QazAqparat - Búgingi kúnge deıin ulttyq biryńǵaı testileýdiń eki kúni ótkizildi. Testileýdiń birinshi kúni 48 UBTÓP-tiń, ekinshi kúni 59 UBTÓP-tiń bazasynda ótti, dep habarlaıdy Ulttyq testileý ortalyǵynan.
2 jáne 3 maýsym kúnderi ótkizilgen testileýge 37 066 mektep bitirýshi qatysty, sonyń ishinde qazaq tilinde - 26 592, orys tilinde - 10 474 túlek bul synaqty tapsyrdy.
Testileýdiń eki kúninde múmkin bolǵan 125 baldy 2 bitirýshi jınady. Olar: Erdosova Gúlnáz Jandosqyzy, «Qazaq klassıkalyq B.Momyshuly atyndaǵy №45 gımnazııa», testileýdi M.H. Dýlatı atyndaǵy Taraz memlekettik ýnıversıtetiniń bazasyndaǵy UBTÓP-te (Taraz qalasy) tapsyrǵan; Mustafına Rıana Erkinqyzy,«№59 mektep-lıtseı MM», testileýdi Qazaq gýmanıtarlyq zań ýnıversıtetiniń bazasyndaǵy UBTÓP-te (Astana qalasy).
Testileýdiń birinshi kúniniń nátıjesinde tyıym salynǵan zattardy qoldanǵan jáne aýdıtorııada tártip buzǵan úshin 33 bitirýshi testileýden shyǵaryldy, onyń ishinde: testileýge kirgizý barysynda bóten tulǵa ustalǵan - 3 bitirýshi; testileý ótkizý barysynda bóten tulǵa ustalǵan - 19 bitirýshi; - uıaly baılanys telefondaryn paıdalanǵan - 8 bitirýshi; testileýge berilgen ýaqyt aıaqtalǵan kezde emtıhan materıaldaryn tapsyrýdan bas tartqan - 1 bitirýshi; emtıhan materıaldaryn búldirgen - 1 bitirýshi; ratsııany qoldanǵan - 1 bitirýshi boldy.
