UBT: túlekter kóbine qaı pándi tańdaǵan

ASTANA. KAZINFORM – Ulttyq testileý ortalyǵy naýryz aıyndaǵy UBT-nyń aralyq qorytyndylaryn usyndy.

Naýryz aıyndaǵy UBT bastalǵaly beri 88 myńǵa jýyq adam test tapsyrdy.

Onyń ishinde: 
talapkerlerdiń 72%-ǵa jýyǵy shekti ball jınady;
ortasha ball — 65 ball (bes pán boıynsha);
eń joǵary ball — 139 ball;
erekshe bilim berý qajettiligi bar 232 talapker qatysty.

Ereje buzǵany úshin 121 adamnyń nátıjesi joıyldy. 

tyıym salynǵan zattardy alyp ótý áreketi saldarynan 43 talapker test tapsyrý múmkindiginen aıyryldy; 
testileý kezinde erejelerdi buzǵany úshin aýdıtorııadan 55 adam shyǵaryldy;
beınejazbalardy qaıta qaraý nátıjesinde 23 adamnyń nátıjesi joıyldy;
bógde tulǵalar anyqtalǵan joq.

— Qatysýshylardyń 18,1%-y «Matematıka-Fızıka» kombınatsııasyn, 14,8%-y «Bıologııa-Hımııa», 12,6%-y «Shyǵarmashylyq emtıhan» kombınatsııasyn tańdaǵan, — delingen Ulttyq testileý ortalyǵy habarlamasynda.

Esterińizge sala keteıik, naýryz aıyndaǵy UBT 6 sáýirge deıin ótedi.

Aıta ketelik 163 myń adam naýryz aıynda ótetin UBT-ǵa qatysýǵa ótinish bergen edi.