UBT: Túlekter úshin birq́atar jeńildikter engizildi
«Bitirýshilerge arnalǵan jaǵdaıdy jetildirý maq́satynda aǵymdaǵy jyly kelesi jańalyq́tar engizilýde. Birinshi, ár túlekke ýniversitetke q́ujat tapsyrar aldynda beriletin UBT sertifikatynda balalar tapsyrǵan pánderine sáıkes mamandyq́tar tizimi, ár mamandyq́q́a bólingen granttardyń sany jáne ótken jylǵy granttar konkýrsynyń nátijeleri, aǵni ár mamandyq́q́a byltyrǵy jyly q́andaı balmen ótkeni týraly aq́parat jazylady. Bul bitirýshige UBT-da jinaǵan balyn eskere otyryp, mamandyq́ty durys tańdaýǵa múmkindik beredi», - dedi Erlan Saǵadiev.
Onyń aıtýynsha, ekinshiden bitirýshi UBT-ǵa dáleldi sebeppen q́atysa almaǵan jaǵdaıda oǵan kelesi toppen tapsyrý múmkindigi beriledi. Úshinshiden, erekshe bilim berý q́ajettiligi bar balalar jeke kómekshi, sonymen q́atar sýrdoaýdarmashy mamanymen q́amtamasyz etiledi. Tórtinshiden, Q́azaq́stan boıynsha UBT-ǵa q́atysty suraq́tarmen tegin q́ońyraý shalýǵa bolatyn biryńǵaı Call-ortalyq́ iske q́osylady.
«Aǵymdaǵy jyldan bastap «Altyn belgige» ie bolǵan túlekter bilim berý granttaryn taǵaıyndaý kezinde baldary teń bolǵan jaǵdaıda ǵana basymdyq́ ala alady. Bul zań Parlamentte q́oldaý tapty jáne atalǵan zańǵa Elbasy q́ol q́oıdy. Aǵymdaǵy jyldyń tamyzy jáne kelesi jyldyń q́ańtar aılarynda JOO-lardyń aq́yly bólimine túsý múmkindigi saq́talǵan. Osy normanyń arq́asynda byltyr 30 myń jas joǵary oq́ý ornynda bilim alý q́uq́yǵyn q́ol jetizdi», - dedi ministr.
