UBT transformatsııasy 2027 jyly bastalady — mınıstrlik
ASTANA. KAZINFORM — Ǵylym jáne joǵary bilim vıtse-mınıstri Gúlzat Kóbenova elimizdiń joǵary oqý oryndaryna túsýge arnalǵan negizgi synaq — Ulttyq biryńǵaı testileýdiń transformatsııasy qalaı júzege asatynyn aıtyp berdi.
— Bıyl UBT qazirgi formatta, eshqandaı ózgerissiz ótkiziledi. Biz UBT formatyn jetildirý maqsatynda amerıkalyq ETS kompanııasymen birlesken jumysty bastadyq. Transformatsııa kezeń-kezeńimen júzege asyrylady: 2027 jyldan bastap pılottyq rejımde engizilip, odan keıin 2029 jylǵa deıin aýqymdy túrde keńeıtý josparlanyp otyr. Qazirgi ýaqytta format burynǵy kúıinde qalady, — dedi Gúlzat Kóbenova Májilis kýlýarynda.
Buǵan deıin Qazaqstannyń jahandyq bilim naryǵyn qalaı baǵyndyratyny jóninde sholý jarııalaǵan edik.
Sondaı-aq, túlekterge UBT-men qatar halyqaralyq test tapsyrý múmkindigi beriledi.