UBT testterine mazmundy jaýapty talap etetin suraqtar men esse qosylady - A.Sárinjipov
ASTANA. 29 qazan. QazAqparat - Ulttyq biryńǵaı testine tolyqqandy, mazmundy jaýap talap etiletin suraqtar qosylady. Bul týraly búgin 2014-2016 jyldarǵa arnalǵan Qazaqstan Respýblıkasynyń bilim jáne ǵylym salasy damýynyń basym baǵyttary talqylanǵan Úkimet otyrysynda QR Bilim jáne ǵylym mınıstri Aslan Sárinjipov málim etti.
«Oqýshylardyń bilimin baǵalaýǵa arnalǵan Biryńǵaı ulttyq testileý testine tolyqqandy jaýapty, sonymen qatar esse jazýdy talap etetin suraqtar qosylatyn bolady», - dedi ol.
Sonymen qatar mınıstrdiń aıtýyna qaraǵanda, testileý oqytý baǵytyn jáne mektepterdegi bilim berý deńgeıine kóshirýdi aıqyndaý úshin qoldanylmaq. Budan bólek mektep oqýshylary oqý jyly ishinde birneshe márte test tapsyrý múmkindigine ıe bolady.
