UBT tapsyrýshy shákirttiń ornyna kirmekshi bolǵandar anyqtaldy
ASTANA. Maýsymnyń 11-i. QazAqparat /Rýslan Ǵabbasov/ - Almaty oblysynyń Esik qalasynda UBT tapsyrýshy shákirttiń ornyna test synaǵyna kirýge tyrysqan bógde 6 adam anyqtaldy. Bul týraly búgin Astanada Ulttyq biryńǵaı testileýdiń qorytyndysyna baılanysty Bilim jáne ǵylym mınıstri Janseıit Túımebaev ótkizgen baspasóz máslıhatynda málim boldy,
dep habarlaıdy QazAqparat.
«UBT kezinde jemqorlyq faktileri oryn aldy ma?» degen saýalǵa mınıstr: «Sarqand aýdanynda, ıaǵnı aýdandyq oqý bóliminiń basshysy tarapynan osyndaı oqıǵa boldy. Onda komıssııa múshelerine syıaqy usyný arqyly testileý kezinde aýdıtorııadaǵy túlekterdiń orynsyz áreketine kóz juma qaraýdy usyndy. Osy máselege baılanysty biz shara qoldanamyz», dedi.
J. Túımebaevtyń sózine qaraǵanda, UBT-ny ótkizý aralyǵynda oqýshylardan 4 761 uıaly telefon, 200-den astam kalkýlıator, fotoapparat jáne shpargalkalar tabylǵan. Sondaı-aq testileý erejesin buzǵany úshin 24 oqýshy aýdıtorııadan shyǵarylyp, olardyń UBT nátıjesi joıylǵan.
Aıta keteıik, bıylǵy jyly elimizde UBT synaqtary maýsymnyń 4-i men 10-y aralyǵynda 154 pýnkte ótti. Onyń 49-y qalalyq, al 105-i aýyldyq jerlerde ornalasqan.
