UBT tapsyrýǵa ketken bala «soǵysqa attanǵandaı» bolmaýy kerek - D.Nazarbaeva (FOTO)
ASTANA. QazAqparat - Búgin Bilim jáne ǵylym mınıstrliginiń keńeıtilgen alqa otyrysyna qatysqan QR Premer-mınıstriniń orynbasary Darıǵa Nazarbaeva Ulttyq biryńǵaı testileý júıesin əli de jetildire túsý kerek degen pikir bildirdi.
«Ulttyq biryńǵaı testileý tóńireginde daýly məsele kóp. Jalpy, Ulttyq biryńǵaı testileýdiń ıdeıasy jaqsy. Osy saladaǵy jemqorlyqty azaıtty. Mınıstrlik pen úkimet mektepterdegi bilim sapasy týraly tolyq aqparat alatyn boldy. Biraq, UBT bilim sapasyn tolyq ashatyn tetik dep aıta almaımyz. Mekteptiń reıtıngisin baǵalaıtyn ózge de birqatar kórsetkishter bar», - degen Premer-mınıstrdiń orynbasary UBT-nyń taǵy bir alańdatarlyq tusyna toqtaldy.
«Ulttyq biryńǵaı testileý ata-ana úshin de, bala úshin de kədimgi moraldik-psıhologııalyq məselege aınaldy. Ulttyq biryńǵaı test tapsyrýǵa ketken bala «soǵysqa attanǵandaı» bolmaýy kerek. Ózderińiz biletin ərtis Tursynbek osy məseleni əzilmen kórsetken. Mınıstrlikpen osy məselege qatysty jumys júrgizip jatyrmyz. Ulttyq biryńǵaı testileý talantty balanyń saǵyn syndyrmaýy, onyń jolyn jappaýy kerek. Bul júıeni barynsha «jumsaq», barynsha yńǵaıly etkimiz keledi. Bul jóninde qosymsha habarlaımyz», - dedi D.Nazarbaeva.
