UBT tapsyrý barysynda qostanaılyq túlekterden 860-tan astam tyıym salynǵan zattar alyndy
QOSTANAI. QazAqparat - Biryńǵaı ulttyq testileý barysynda qostanaılyq túlekterden 860-tan astam tyıym salynǵan zattar alyndy. Bul týraly Qostanaı oblysy bilim salasyn baqylaý departamentiniń bastyǵy Bátıma Dáýimova habarlady.
Barlyǵy 492 mobıldik telefon, 371 shpargalka, sondaı-aq birneshe kalkýlıator men fotoapparattar tabyldy.
UBT-ǵa 2 676 túlek qatysqanyn eskersek, árbir úshinshi oqýshy zańsyzdyqqa jol bergen. Óńirde aǵymdaǵy jyly 4 397 oqýshy mektep bitirdi, onyń jartysynan kóbi (60 paıyzdan astamy) UBT tapsyrýǵa qatysty. B.Dáýimova testileýdiń qorytyndy nátıjeleri áli shyqpaǵanyna qaramastan, ortasha ball 78 paıyzdan asatyny belgili ekenin málim etti. Bilim sapasy 41 paıyzdan joǵary. Eń joǵarǵy kórsetkishke - 124 ballǵa Qostanaı mektep-gımnazııasynyń oqýshysy Dınara Aısına ıe boldy.
