UBT tapsyrǵan 20 myńǵa jýyq túlek mejelik balldy jınaı almady - Ulttyq testileý ortalyǵy
ALMATY. QazAqparat - UBT-da qajetti 50 balldy jınaı almaǵan mektep bitirýshileriniń sany 20 myńǵa jýyqtady. Bul týraly Ulttyq testileý ortalyǵynan habarlady.
«Maýsymnyń 2-si men 6-sy aralyǵynda ótken synqata 19 807 túlek JOO túsýge múmkindik beretin balldy jınaı almaǵan. 4890 túlek belgili bir pán boıynsha qanaǵattanarlyq emes nátıje kórsetti. 5 pán boıynsha 100 balldan joǵary nátıjeni 12 712 túlek jınaǵan», - delingen habarlamada. Búgingi kúnge deıin Ulttyq biryńǵaı testileýdiń 5 kúni ótkizildi. Testileýge barlyǵy 85 221 mektep túlegi, sonyń ishinde qazaq tilinde - 59 877, orys tilinde - 25 344 bitirýshi qatysty. Bes kún ishinde eń joǵarǵy yqtımal 125 balldy Almaty qalasynyń eki túlegi - Ábdijapar Aıǵanym Baqytqyzy, Marat Ásııa Jandosqyzy men shymkenttik túlekter Ahmetjanova Shahzoda Anvarqyzy, Erjanova Ulpan Erjanqyzy jınady.
