UBT tapsyratyndarǵa kómek retinde «Altyn belgi» jýrnaly jaryq kóre bastady (FOTO)
ASTANA. QazAqparat - Shymkentte UBT tapsyrýshylarǵa arnalǵan «Altyn belgi» jýrnaly shyǵarylyp jatyr. Jýrnalda joǵary synyp oqýshylarynyń UBT-ǵa daıyndalýyna qajetti 11 pán qamtylǵan, dep habarlaıdy otyrar.kz.
Apta saıyn shyǵatyn basylymnyń ár nómirinde 11 pán boıynsha 2 sabaqtan beriledi. Olardyń ishinde mindetti túrde tapsyrylatyn 4 pán jáne 7 pánniń arasynda tańdalatyn 1 pán kórsetilgen. Alǵashqy sany qyrkúıek aıynyń birinshi aptasynda jaryq kórgen jýrnaldyń sáýir aıyna deıin barlyǵy 32 nómiri jarııalanady.
Basylymda ár pán boıynsha dáris materıaldarymen, praktıkalyq sabaqtarmen jáne test suraqtarymen tutas kýrsta 64 sabaq berilgen. Olar sýrettermen, kartalarmen, syzbalarmen bezendirilgen. Jýrnaldy shyǵarýshy «ERNUR-press» JShS basshylarynyń aıtýynsha, «Altyn belgi» jýrnaly - Qazaqstandaǵy biregeı basylym. Jýrnaldyń basty ereksheligi, ondaǵy dárister men test tapsyrmalaryn daıyndaýǵa tek joǵary sanatty kásibı pán oqytýshylary ǵana emes, sonymen qatar psıhologtar da qatysqan. Olar tyńǵylyqty zertteýler júrgizý nátıjesinde, balanyń qabyldaýyna ońtaıly formattardy tańdaǵan.
