UBT tapsyratyn oryn jetpeı jatqany ras pa

ASTANA. KAZINFORM – Ǵylym jáne joǵary bilim mınıstri Saıasat Nurbek Májilistegi baspasóz máslıhatynda UBT tapsyratyn oryndardyń tapshylyǵy týraly málimetterdi teriske shyǵardy.

- Birneshe jyl bolyp qaldy, UBT synaqtary jyl saıyn bes ret qabyldanady. Bıylǵa kelsek, aldymyzda UBT-nyń 3 tolqyny qaldy. Eki negizgi tolqyn men tamyzdaǵy synaq bar. Test tapsyrý kúnderin de, tirkelý kúnderin de tarqatyp belgiledik. ıAǵnı, ár tolqynǵa jeke-jeke tirkelý kerek. Sondyqtan búkil tolqyndardyń aı-kúni aldyn ala belgilengen. Test tapsyratyn oryndardyń sany ózgertilgen joq. Kerisinshe birneshe qalada qosymsha oryndar qostyq, - dedi ol.

Aıtýynsha, UBT-nyń qalǵan úsh tolqynyna tirkelý áli júrip jatyr.

- Almatyda Abaı atyndaǵy Ulttyq pedagogıkalyq ýnıversıtet bazasynda qosymsha 200 oryn, Aqsaı qalasynda, Shyǵys Qazaqstan oblysynda qosymsha oryndar qoıdyq. Sondyqtan, alańdamańyzdar. Oryndar jetkilikti bolady. Tirkelý áli júrip jatyr. Taǵy bir tirkelý tolqyny bar, bári úlgeredi. Buǵan deıingi jyldardyń tájirıbesi boıynsha bárin eseptep qoıǵanbyz. Qosymsha oryn kerek bolsa, qosamyz, - dedi mınıstr.

Buǵan deıin UBT-ǵa daıyndaıtyn repetıtor qyzmeti qansha turatynyn jazǵan edik.