UBT: Talapkerdiń ıkemi bar mamandyǵyn anyqtaıtyn platforma jasalady

NUR-SULTAN. QazAqparat – UBT nátıjesimen qanaǵattanbaǵan talapkerler testileýdi birneshe ret tapsyra alatyny belgili. Osyǵan sáıkes, endi emtıhannan qaıta ótkenderdiń qorytyndylary negizinde talapkerdiń qandaı mamandyqqa ıkemi bary anyqtalyp otyrady. Joǵary jáne kásiptik bilim berý salasyndaǵy máseleler talqylanǵan forýmda Ǵylym jáne joǵary bilim mınıstri Saıasat Nurbek osylaı málim etti, dep habarlaıdy QazAqparat tilshisi.

«Ulttyq testileý ortalyǵynyń negizinde UBT-ny bir ret emes, birneshe márte tapsyrýǵa múmkindik beriledi. Biz talapker ózin-ózi baǵalaýy úshin arnaıy platforma engizip jatyrmyz. Endi talapker birneshe ret testileýden ótedi jáne sol arqyly óziniń myqty tustaryn kóredi. Oǵan bıyl naqty grant beriletini nemese qandaı mamandyqtar sol balaǵa sáıkes keletini kórsetiledi. Ol aqparat jeke talapkerge, onyń ata-anasyna joldanady. Sosyn ol UBT-ǵa kirip, ózine qajet tańdaý pánin aıqyndaıdy. Bizdiń úmitimiz osy mehanızm arqyly jaǵdaıdy ózgertý», - dep málim etti Ǵylym jáne joǵary bilim mınıstri.

Budan bólek forým aıasynda Saıasat Nurbek bilim grantyn bólý mehanızmi mekteptegi kásiptik baǵdarlaýmen sáıkestendiriletinin jetkizdi.