UBT synaqtarynyń bazasy jańartyldy

ASTANA. QazAqparat - Ulttyq testileý ortalyǵy tegin baıqaý synaqtarynyń bazasyn jańartty. Testileý onlaın formatta ortalyqtyń saıtynda júrgiziledi, dep habarlaıdy QazAqparat ortalyqqa silteme jasap.

«Qazan aıynda biz UBT-ǵa daıyndyq úshin tegin onlaın testileýdi iske qostyq. Osy ýaqytqa deıin testileý 470 myń ret tapsyrylǵan. Kóptegen mektep túlekteri test tapsyrmalarymen tanysty dep oılaımyn. ıAǵnı, talapkerlerge bıyl IT-mamandyqqa túsý úshin mindetti bolyp tabylatyn «Matematıka-Informatıka» pánderiniń kombınatsııasy qoljetimdi. Sonymen qatar bolashaq stýdentter test tapsyrmalarynyń ózgertilgen qurylymymen tanysa aldy. Endi biz bazany jańartyp, balalardyń bas emtıhanǵa daıyndyǵyn jaqsartý úshin jańa suraqtar bazasyn usynyp otyrmyz», – dep atap ótti Ulttyq testileý ortalyǵynyń dırektory Rýslan Emelbaev.

Eske salsaq, 21 qarashadan bastap UBT-ǵa daıyndalýǵa arnalǵan tegin onlaın-sabaqtar bastaldy.