UBT suraqtary eshqashan aldyn ala satylmaıdy - BǴM
«Jyl saıyn Ulttyq biryńǵaı testileý bastalǵan kezde alaıaqtyq faktiler tirkeledi. Bizdiń de oǵan qatysty málimetimiz joq emes. Keıbireýler «Osy UBT-nyń durys jaýaptaryn satyp jatyrmyz, ne bolmasa UBT-dan alǵanbyz» dep aqparattardy tarady. Onyń barlyǵy jalǵan! Eshqashan UBT-nyń durys suraqtary satylmaǵan, satylmaıdy. Óıtkeni, bul memlekettik qupııaǵa jatady. Onyń qupııalyq rejimin tek Ulttyq biryńǵaı testileý emes, Bilim jáne ǵylymı mınıstri jáne arnaıy memlekettik organdar qarap, qadaǵalap otyrady. Sondyqtan, ol alaıaqtyq jolǵa túspeı, ózin-ózi baıqaý testileri bar, onlaın testileýden ótken durys dep sanaımyz. Túlekterge sáttilik tileımiz», - dedi OQK-da ótken baspasóz máslıhaty barysynda Ramazan Álimqulov.
Aıta ketsek, bıyl 146 myń mektep bitirýshiniń 96,9 myńy UBT tapsyrýǵa ótinish bildirip otyr. Olardyń 80 paıyzy, ıaǵnı 73 myńy testini qazaq tilinde tapsyrýǵa bel baılaǵan.
