UBT: ShQO-da 65 oqýshydan tyıym salynǵan zattar anyqtalǵan

ÓSKEMEN. QazAqparat - Shyǵys Qazaqstan oblysynda UBT-nyń alǵashqy kezeńinde 65 oqýshydan tyıym salynǵan zattar anyqtalǵan, dep habarlaıdy QazAqparat.

ShQO-da Ulttyq biryńǵaı testileýdiń alǵashqy kezeńi 16-19 qańtar aralyǵynda Óskemendegi S.Amanjolov atyndaǵy ShQMÝ-da, Semeı qalasyndaǵy Shákárim memlekettik ýnıversıtetinde jáne aýdandardaǵy 8 mektepte ótkizildi. UBT ádil ótýi úshin zaldar tolyqtaı beınekameralarmen jabdyqtalǵan.

«3 kún ishinde 65 oqýshydan tyıym salynǵan zattar anyqtaldy. Onyń ishinde kópshiligi uıaly telefon, smart saǵat qoldanǵan. Jalpy sany 42 test tapsyrýshy zaldan shyǵaryldy», dep habarlady ShQO Sybaılas jemqorlyqqa qarsy qyzmeti.