UBT: shyǵarmashylyq mamandyqqa túsetinderge mańyzdy 5 talap
ASTANA. KAZINFORM — UBT-da shyǵarmashylyq baǵytty tańdaǵandar tek bir JOO-ǵa ótinish bere alady, dep habarlaıdy QR ǴJBM Ulttyq testileý ortalyǵynyń baspasóz qyzmeti.
Vedomstvonyń baspasóz qyzmetiniń túsiniktemesine sáıkes, eger shyǵarmashylyq baǵytqa túsýdi josparlasańyz, UBT-da «Qazaqstan tarıhy» jáne «Oqý saýattylyǵy» pánderin tapsyrasyz.
Shekti ball:
- Qazaqstan tarıhy — keminde 5 ball;
- Oqý saýattylyǵy — keminde 3 ball.
- Testileý ýaqyty — 70 mınýt.
— Al shyǵarmashylyq emtıhandy tańdaǵan JOO-da tapsyrasyz. Onyń formaty men kúnin ýnıversıtettiń qabyldaý komıssııasynan naqtylaýdy umytpańyz. Shyǵarmashylyq emtıhan nátıjesimen grant konkýrsyna qatysatyn talapkerler tek bir JOO men bir bilim berý baǵdarlamasyn tańdaı alady, — delingen Ulttyq testileý ortalyǵy taratqan aqparatta.
Al bes pán boıynsha UBT tapsyrǵan talapkerler shyǵarmashylyq baǵytqa túsý úshin ýnıversıtette shyǵarmashylyq emtıhan tapsyra alady. Biraq grant konkýrsyna qujat tapsyrǵanda bes pán boıynsha UBT nátıjesimen nemese shyǵarmashylyq baǵyt boıynsha qatysýdyń birin tańdaýy qajet.
Buǵan deıin jańa Ulttyq biryńǵaı testileýde bes túrli daǵdy baǵalanatynyn jazǵanbyz.
