UBT: Ótinimder qabyldanyp jatyr
QARAǴANDY. QazAqparat - Kelesi jyldan bastap UBT jylyna tórt ret: qańtardyń 15-nen 20-na deıin, naýryzdyń 24-nen 29-na deıin, maýsymnyń 20-nan shildeniń 5-ne deıin jáne tamyzdyń 17-nen 20-na deıin ótkiziletin bolady. Qaraǵandy oblysynda qazirden bastap qańtarda ótetin testileýge ótinimder qabyldanyp jatyr. Qujattardy 15 jeltoqsanǵa deıin tapsyrýǵa bolady, dep habarlaıdy óńir basshysynyń resmı saıty.
Bilim berý grantyna tek mektepti támamdaǵan bette testiden ótkender ǵana úmittene alady. Testilik synaqty basqa ýaqytta tapsyrǵandar JOO-yń tek aqyly bólimderine túsedi.
Qańtarda aımaqta test 8 núktede ótkiziledi.
UBT-di qańtardyń 15-nen 20-na deıingi aralyqta qaıta tapsyrýǵa bolady. Ony JOO-na aqyly túrde oqýǵa túsý úshin mektep túlekteri; birinshi semestrdiń sońyna deıin aqyly túrde JOO kúndizgi bólimine tirkelgender; shyǵarmashylyq emtıhandar qajet bolǵan fakýltetteriń basqa mamandyqqa aýysqysy keletin stýdentteri júzege asyra alady.
Testiden ótýge qajetti qujattar paketinde: forma boıynsha ótinish (UBT ótkizý pýnktinde beriledi), 3h4 santımetr kólemindegi fotosýret, jeke tulǵany kýálandyratyn qujattyń kóshirmesi, talapker oqıtyn orta bilim berý mekemisinen anyqtamanyń eki danasy jáne testige qatysýǵa tólengen ótemaqynyń túbirtegi.
Qujattardy UBT ótetin oryndarǵa tapsyrý qajet. Olar E.A. Bóketov atyndaǵy QarMÝ, QarMTÝ, Qaraǵandy memlekettik ındýstrıaldy ýnıversıteti, Baıqońyrov atyndaǵy Jezqazǵan ýnıversıtetinde jáne Balqash qalasynyń, Jańaarqa, Osakarov jáne Qarqaraly aýdandarynyń jalpy bilim berý mektepterinde ornalasqan.
UBT formaty burynǵydaı qalady: tapsyrmalar 2 bloktan - 3 mindetti jáne tańdaý boıynsha 2 beıindi pánderden quralady.
Testileýdi talapker óz erkimen qazaq, orys nemese aǵylshyn tilderinde tapsyra alady.
Aǵylshyn tilinde emtıhan tapsyryp, oqýǵa túsemin deýshiler testileýde «Qazaqstan tarıhyn» qazaq nemese orys tilinde tapsyrady.
UBT-ge 3 saǵat 50 mınýt ýaqyt beriledi.
