«UBT - orys tildilerge ońtaıly bolyp tur» - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 15 tamyz, juma kúni jaryq kórgen respýblıkalyq buqaralyq aqparat quraldarynda jarııalanǵan ózekti materıaldarǵa sholýdy usynady.

Memleket basshysy Joǵarǵy Sot Tóraǵasy Qaırat Mámıdi qabyldady, dep habarlaıdy « Egemen Qazaqstan » gazeti « Elbasy qabyldady » atty maqalada.

Basylymnyń jazýynsha, Qazaqstan Prezıdenti Úkimetti qaıta uıymdastyrý, onyń qura­myn yqshamdaý bızneske baryn­sha jaıly jaǵdaı jasaýǵa baǵyttalǵa­nyn aıtty.

«Osyǵan baılanysty biz­ tek­serýlerdi qysqartýǵa baǵyttalǵan, kásipkerlikti retteýdiń múlde basqa tájirıbesin engizemiz. Tekserýlerge 2015 jylǵa deıin moratorıı jarııalaǵannan keıin jaǵdaı nasharlaǵan joq: salyqtar túsip jatyr, bıznes sýbektileri jumys istep tur. Bul ruqsat berý júıesiniń kóptegen úderisteri, túrli tekserýlerdiń túgeldeı josyqsyz ekenin aıtyp tur, - dedi Memleket basshysy», - delingen materıalda.

Avtokólik ındýstrııasy Shyǵys óńiri elimizdegi avtokólik óndirisiniń 50 paıyzyn enshilemek, dep jazady «Egemen Qazaqstan» kezekti maqalasynda.

«Bıyl Shyǵys óńirindegi ınvestıtsııa kólemi alǵashqy jar­tyjyldyqta 126 mlrd. teńgeden asyp jyǵyldy. Oblystaǵy ınvestıtsııalyq ahýaldy jaqsartý únemi baqylaýǵa alynǵan deýge bolady. Shıkizattyq emes sektor men ishki ınvestıtsııa tartý boıynsha birinshi jartyldyqta kózdelgen josparly ındıkatorǵa qol jetkizildi. Alty aıdaǵy negizgi kapıtalǵa salynǵan ınvestıtsııa kólemi ótken jyldyń balamaly ýaqytymen salystyrǵanda 0,7 paı­yzǵa ósti. Kásipkerlik jáne ın­dýs­trııalyq-ınnovatsııa­lyq da­mý basqarmasynyń basshysy Shákárim Buqtuǵutovtyń aıtý­ynsha, Indýstrııalandyrý karta­synda jańa mańyzdy joba­lardyń tolyǵýymen óńirdiń ınvestıtsııalyq belsendiligi baıqalyp otyr. Búginde kartada jalpy somasy 685,2 mlrd. teńge quraıtyn 61 joba bar. Onyń ishinde óńdeý ónerkásibiniń úlesi - 8 paıyz. Jyl sońyna deıin 17,5 mlrd. teńgege 13 joba júzege asyrylmaq. Bul jobalardy iske qosý arqyly 1,3 myń adamdy jańa jumys ornymen qamtýǵa bolady», - delingen « Avtokólik ındýstrııasy » atty materıalynda.

« Aıqyn » basylymy óziniń búgingi sanynda belgili kompozıtor Temiráli Baq­tygereevtiń qazasyna baılanysty tolymdy materıal usynyp otyr. «Keshe 64 jasynan asqan shaǵynda belgili sazger Temiráli Baq­tygereev dúnıeden ozdy... Máńgilik eshkim joq desek te, el-jurtyna, ultyna jasaǵan aq adal eńbegi arqyly eldiń esinde máńgilikke qalatyn tulǵalar bolady.

Sonyń biri osy Temiráli aǵa edi. Taǵdyrdyń talaıyna kónip, jany shyrqyrap jatsa da, kókeıine quıylyp kelip qalǵan ándi tasqa basyp ketýge umtyldy. Ómirge qushtarlyǵyn úzbedi», - dep jazylǵan « Taǵdyryna moıymaǵan talant edi » atty materıalda.

« Aıqyn » gazetinde « UBT - orys tildilerge ońtaıly bolyp tur » atty taqyryppen maqala jarııalandy.

Bıyl Ulttyq Biryńǵaı testiń bilim synaǵy retinde qoldanysqa engenine - 10 jyl. Arada ótken 10 jyl júıeniń kemshiligin de, jetistigin de alaqanǵa salǵandaı aıqyndap ber­di.

«Orys jáne qazaq tilinde bilim alǵan túlekterimizdiń de arasal­maǵyn biz UBT nátıjesi arqyly bilip otyratyn kezge jettik. Sońǵy kezde qazaq tilinde bilim alyp jatqan balalardyń úles salmaǵynyń kúrt óskeni baıqalady. Sebebi bıyl UBT-ǵa qa­tysýǵa nıet bildirgen balalardyń 70 pa­ıyz­ǵa jýyǵy - qazaq tilinde bilim be­retin mektep túlekteri. Elimizde tir­kelgen 130-dan astam ult ókilderi balalarynyń ba­sym kópshiliginiń orys tilinde bilim beretin mektepterde bilim alýǵa tyrysa­tyn­dyǵyna qaramastan qazaq tilinde bi­lim alatyn balalarymyzdyń qarasy kóp. Naqtyraq aıtsaq, maýsym aıynda ótken UBT - 2014-ke 92 myńnan astam mektep bitirýshi qa­tys­qan. Olardyń 63 myńnan astamy synaqty qazaq tilinde, 28 myńnan astamy orys tilinde tapsyrǵan edi. Saıa­sattanýshy Edýard Poletaev býyny qat­paǵan daryndy jas bala bolashaǵyn týyp-ósken jeri emes, tarıhı otanynyń bolashaǵymen baı­lanystyryp qaraıtyny zańdylyq. Sebebi tarıh otannyń kıesi degen uǵymnan jas ta, jasamys ta attap óte almaıdy. 2012-2013 jyldary orys tilinde bilim alǵan ba­la­larymyzdyń basym kópshiligi Reseı jo­ǵary oqý oryn­daryn tańdaǵan. Ózbek, tájik, qyrǵyz elderiniń joǵary oqý oryn­da­ryna ketip jatqan túlekterimiz jaıly da jıi estımiz. Bul - Elbasymyz Nursultan Na­zarbaev jıi aıtatyndaı, qazaqtyń qazaq je­rinen basqa eli de, jeri de joq ekenin taǵy da aıǵaqtap tur. Sondyqtan saıasat­taný­shylar men qoǵamtanýshylar memle­kettik bilim grantynyń 5050 paıyzyn ózger­tetin kez kelip jetti deıdi. Sebebi qa­zirgi 50 50 teń bólinisi kóp jaǵdaıda orys tilinde bilim beretin mektep túlek­terine basymdyq berip tur», - delinedi maqalada.

Temirtaýdyń eń tanymal zańgeri, «Dostasý» medıatsııalyq ortalyǵynyń jetekshisi 41 jastaǵy Maııa Blaşenko jyljymaıtyn múlikti tartyp alýmen aınalysyp kelgen uıymdasqan qylmystyq topty qurdy dep aıyptalýda. Bul týraly resmı tilde jarııalanatyn « Ekspress K » basylymy habarlady.

«Qylmystyq top músheleri qaıtys bolǵan kisilerdiń atynan páterdi satý-satyp alý jóninde jalǵan kelisim daıyndap, atalǵan qujattardyń zańdylyǵyn rastaý úshin sotqa júginip otyrǵan. Qaraǵandy oblysynyń IID úshi balanyń anasy Maııa Blaşenko atalǵan alaıaqtyqqa qatysy bar dep kúdiktenip otyr. Ótken jyldyń aqpan aıynda polıtsııaǵa 58 jastaǵy Temirtaý turǵyny onyń qaıtys bolǵan ata-anasynyń páterin bázbireýler tartyp almaqqa kúsh salyp jatyr degen aryzben shaǵymdanǵan. «Alaıaqtyq» boıynsha qylmystyq is qozǵaldy. Tergeý nátıjesinde kúdiktilerdiń qataryna Maııa Blaşenko da engen», - deıdi gazet. Sonymen qatar oǵan tergeýshige aýyr dene jaraqattaryn saldy degen aıyp taǵylýda.

Tolyǵyraq « Advokat dıavola » atty maqaladan oqı alasyzdar.