UBT: Ortasha ball byltyrǵyǵa qaraǵanda joǵary boldy - B. Jumaǵulov
ASTANA. 10 maýsym. QazAqparat - Bıyl elimizdegi Ulttyq biryńǵaı testileýdiń ortasha baly 74,5 baldy qurap, byltyrǵyǵa qaraǵanda 3,6-ke joǵary boldy.
Byltyr bul kórsetkish 70,9 baldy quraǵan bolatyn. Búgin Bilim jáne ǵylym mınıstri Baqytjan Jumaǵulov BAQ ókilderine bergen eksklıýzıvti suhbatynda osylaı málim etti.
Mınıstrdiń aıtýynsha, Ulttyq biryńǵaı testileý elimizdiń 155 test tapsyrý oryndarynda ótkizildi. 99 565 túlek test tapsyrýǵa ótinish bergen. Onyń 95 485-si qatysty.
«Ulttyq biryńǵaı testileý nátıjesi boıynsha eń joǵary kórsetkishke Almaty jáne Astana qalalary qol jetkizip otyr. Sonyń ishinde Almatyda ortasha ball kórsetkishi 85, al Astanada 81 baldy qurady»,-dedi B. Jumaǵulov
