UBT-nyń jańa formaty engiziledi
ASTANA. 19 qyrkúıek. QazAqparat - Qazaqstan Respýblıkasynda bilim berýdi damytýdyń 2011-2020 jyldarǵa arnalǵan memlekettik baǵdarlamasynyń aıasynda 2015 jyldan bastap eki kezeńnen turatyn testileýge kóshý qarastyrylǵan.
Ulttyq biryńǵaı testileýdi kelesi eki kezeńge bólý eskerilgen: Ulttyq testileý (UT) jáne Keshendi testileý (KT).
«Birinshi kezeńde (UT) logıkalyq test tapsyrmalary arqyly fýnktsıonaldyq saýattylyq tekseriledi. Sondaı-aq, Ulttyq testileý jyl saıyn ózgertiletin 5 pán boıynsha ótkiziledi. Bitirýshilerdiń oılaryn saýatty jetkizýin tekserý maqsatynda esse jazǵyzý qarastyrylady», - delingen QR BǴM baspasóz qyzmetiniń málimetinde.
Ekinshi kezeńde (KT) talapkerler JOO-ǵa táýelsiz testileý arqyly tańdaǵan mamandyǵyna sáıkes eki pánnen quralǵan blokty tapsyrady.
Testileý zamanaýı aqparattyq ınovatsııalyq tehnologııalar arqyly ótkiziledi.
