UBT-nyń shekti deńgeıin QR mektepteriniń 26 352 túlegi eńsere almady - QR BǴM

ASTANA. 8 maýsym. QazAqparat - Bes kúnniń ishinde UBT 155 test tapsyrý oryndarynda ótkizildi, oǵan 91 240 mektep bitirýshi qatysty. Birneshe márte buzýshylyq jasaǵany úshin 31 mektep túlegi aýdıtorııadan shyǵaryldy, dep habarlady QR Bilim jáne ǵylym mınıstrliginiń baspasóz qyzmeti.

Aýdıtorııaǵa kire beriste 15 083 tyıym salynǵan zattar alyndy, onyń 10 859 - testileý barysynda (uıaly telefondar, kalkýlıatorlar, fotoapparattar, ratsııalar).

Búgingi kúnge ortasha ball - 74,3 quraıdy. 2012 jyly - 71 balldy quraǵan bolatyn. 26 352 mektep bitirýshi túlek (28,9%) 50 ball tıisti mejeni baǵyndyra almady. 2012 jyly - 37 323 (36,5 %) . 10 361 (11,4%) túlek 100-den joǵary ball aldy. 2012 jyly - 9 502 (9,3 %).

125 ballǵa - eń joǵary kórsetkishke tórt túlek qol jetkizdi: olar - Pavlodar oblysy Ekibastuz qalasynyń daryndy balalarǵa arnalǵan №1 mamandandyrylǵan mektep-lıtseıiniń túlegi Ásel Aıtkenova, Shymkenttegi M.H.Dýlatı atyndaǵy úsh tilde oqytatyn mamandandyrylǵan daryndy balalarǵa arnalǵan №8 gımnazııa túlegi Aıda Ysqaq jáne Almaty qalasyndaǵy O.Jáýtikov atyndaǵy respýblıkalyq mamandandyrylǵan fızıka-matematıkalyq mektep-ınternatynyń túlekteri Botagóz Quspanǵalıeva men Toqtamys Marǵulan.