UBT-nyń birinshi kúnindegi ortasha ball 76,6-ny qurady - QR BǴM
ASTANA. QazAqparat - Bıylǵy jyly qazaqstandyq túlekterdiń Ulttyq biryńǵaı testileýdiń birinshi kúnindegi ortasha baly 76,6-ny qurady, bul 2013 jylǵy kórsetkishpen salystyrǵanda, 1,1 tarmaqqa joǵary, dep jazady primeminister.kz.
«Birinshi kúnniń qorytyndysy boıynsha 1 túlek eń joǵarǵy 125 baldy alsa, 3 797 testileýge qatysýshy 100-den joǵary ball jınady (14,5 paıyz). UBT-nyń birinshi kúninde ortasha ball 76,6 bolsa, al 2013 jyly ortasha ball 75,5 bolǵan», dep habarlaǵan mınıstrlikten.
Vedomstvonyń derekterine súıensek, Qazaqstandaǵy UBT 2 maýsymda bastaldy, birinshi kúni oǵan jazylǵan 27 670-tiń 26 134-i nemese 94,5 paıyzy qatysty. Testileý 61-tarmaqty baza negizinde ótti.
«Testileýge qatysýshylar atap ótkendeı, barlyq óńirlerde UBT jaqsy uıymdastyrylǵan deńgeıde, qalypty ótti», - deıdi QR BǴM habarlamasynda.
Bul rette, mınıstrliktiń aqparaty boıynsha, 50 ball - mejelik ótý deńgeıin 6 233 nemese 23,8 paıyz túlek eńsere almady. Bul ótken jylǵy kórsetkishpen salystyrǵanda, 3 paıyzǵa tómen (26,4 paıyz).
