UBT-nyń alǵashqy úsh kúniniń nátıjesi: Eń joǵary baldy Qazaqstan boıynsha 3 túlek jınady
ASTANA. 6 maýsym. QazAqparat - Ulttyq biryńǵaı testileýdiń alǵashqy úsh kúninde Qazaqstan boıynsha úsh túlek qana eń joǵary - 125 baldy jınaı aldy.
Bul týraly Ulttyq testileý ortalyǵynan habarlady.
Olar: Aıtkenova Ásel Serikqyzy (TJK 738012008) - «Ekibastuz qalasynyń daryndy balalarǵa arnalǵan №1 mamandandyrylǵan mektep-lıtseıi» memlekettik mekemesiniń túlegi, testileýdi akademık Q.Sátbaev atyndaǵy Ekibastuz ınjenerlik-tehnıkalyq ınstıtýtynda uıymdastyrylǵan UBT-ny ótkizý pýnktinde tapsyrdy;
Ysqaq Aıda Maǵadalıqyzy (TJK 740005036) - «M.H.Dýlatı atyndaǵy úsh tilde oqytatyn mamandandyrylǵan daryndy balalarǵa arnalǵan №8 gımnazııa» KMM-niń túlegi, testileýdi M.Áýezov atyndaǵy Ońtústik Qazaqstan memlekettik ýnıversıtetinde ashylǵan testileý pýnktinde tapsyrdy;
Quspanǵalıeva Botagóz Romanqyzy (TJK 709028072) - Almaty qalasyndaǵy O.Jáýtikov atyndaǵy respýblıkalyq mamandandyrylǵan fızıka-matematıkalyq mektep-ınternatynyń túlegi, testileýdi Almaty tehnologııalyq ýnıversıtetinde uıymdastyrylǵan UBT-ny ótkizý pýnktinde tapsyrdy.
UBT úshinshi kúni Qazaqstannyń túkpir-túkpirinde ashylǵan 68 pýnktte ótkizildi.
Aıta ketý kerek, maýsymnyń 3-i men 5-i aralyǵynda ótkizilgen testileýge 71592 bitirýshi qatysty, onyń ishinde qazaq tilinde - 49058 bitirýshi, orys tilinde - 22534 bitirýshi.
