UBT-nyń alǵashqy kúniniń nátıjeleri belgili boldy

ASTANA. QazAqparat - Ulttyq biryńǵaı testileýdiń alǵashqy kúniniń nátıjeleri belgili boldy, dep habarlaıdy QazAqparat QR BǴM-niń baspasóz qyzmetine silteme jasap.

20 maýsym kúni ótken Ulttyq biryńǵaı testileýge (birinshi lek) ótinish bildirgen 16 468 túlektiń 15 862-si (96,3%) qatysty, onyń ishinde qazaq tilinde -12633, orys tilinde - 3229 adam. UBT 42 ótkizý pýnktinde júrgizildi.

Tártip buzǵany úshin, 3 adam aýdıtorııadan shyǵarylyp, olardyń jaýaptary sanalmady.

Ulttyq biryńǵaı testileýdiń birinshi kúninde 22 696 tyıym salynǵan zat alyndy.

Qazaqstan boıynsha ortasha ball - 75,53.

Aıta keteıik, aǵymdaǵy jyly UBT-ny 92 827 túlek tapsyrady, onyń ishinde: 69 209 - qazaq tilinde jáne 23618 - orys tilinde.