UBT-nyń 3-shi kúniniń qorytyndysy: 4018 túlek júzden astam ball jınady
ASTANA. QazAqparat - Aǵymdaǵy jyldyń 4 maýsymynda test tapsyrýǵa 24 104 túlek qatysty, dep habarlady QR Bilim jáne ǵylym mınıstrliginiń baspasóz qyzmeti.
Test 69 pýnkt bazasynda tapsyryldy.
Tártip buzǵany úshin 10 talapker aýdıtorııadan shyǵaryldy.
Test tapsyrýshylardan 11 046 uıaly telefon, 7 533 shpargalka, 438 kalkýlıator, 82 fotoapparat, 8 ratsııa, 8 blıýtýz, 19 fleshka, 17 wi-fi tabylǵan.
Úshinshi kúnniń qorytyndysy boıynsha, esh túlek eń joǵary 125 balldy jınaı alǵan joq.
4 018 túlek (16,7%) 100-den astam ball jınaǵan, 2013 jyly 3 231 túlek (12,6%) mundaı nátıjege qol jetkizgen bolatyn.
Úshinshi kúngi UBT baly orta eseppen alǵanda 77,1-di quraǵan (2013 jyly - 74,8 ball).
Eń tómengi kórsetkish 50 balldy 5 829 (24,2%) túlek jınaı almaǵan. 2013 jyly bul kórsetkish 7 436 (29%) bolǵan.
«UBT joǵary uıymdastyrylǵan deńgeıde ótti», - delingen habarlamada.
