UBT-ny eki ret tapsyryp, eń jaqsy nátıjemen grant konkýrsyna qatysýǵa bolady - mınıstrlik

ASTANA. QazAqparat – UBT-ny eki ret tapsyryp, eń jaqsy nátıjeni grant konkýrsyna ótkizýge bolady. Bul týraly QR Ǵylym jáne joǵary bilim vıtse-mınıstri Qýanysh Erǵalıev málim etti, dep habarlaıdy QazAqparat tilshisi.

«UBT jylyna 5 ret ótedi. Aqyly negizde oqýǵa qatysty testileý qańtar, naýryz, tamyz aılarynda qamtylady, al grant konkýrsyna qatysý úshin mamyr-maýsym aılarynda, ıaǵnı qazir ótip jatqan negizgi UBT nátıjesi qabyldanady», - dedi Q. Erǵalıev Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, bıyl talapkerler UBT -ny 2 ret qańtar jáne naýryz aılarynda tapsyrdy. Qańtardaǵy UBT-ǵa 123 myń adam qatysyp, onyń 83% - y shekti ball jınady. Naýryz aıynda 111 myń bala qatysyp, onyń 78% - y shekti deńgeıden ótti.

«Negizgi UBT-nyń mańyzdy artyqshylyǵynyń biri - ony tapsyrýǵa eki múmkindik beriledi. Osy oraıda test tapsyratyn bala eń jaqsy nátıjeni grant alý úshin konkýrsqa joldaı alady. Bıyl bul norma zańnamalyq turǵyda bekitildi», - dedi vıtse-mınıstr.

Budan buryn habarlanǵandaı, bıyl 18 mamyrda osy jyldaǵy negizgi UBT bastaldy jáne ol 5 shildege deıin jalǵasady.

Bıylǵy oqý jylyna 88 myń grant bólindi.