UBT-nyń úshinshi aptasy: talapkerlerdiń 67%-y shekti ball jınady
ASTANA. KAZINFORM — 2026 jylǵy 2 naýryzda bastalǵan UBT-ny búgingi kúnge deıin 117 myńnan astam adam ótti. Talapkerlerdiń 71,6%-y testileýdi qazaq tilinde, 28,3%-y orys tilinde jáne 111 adam aǵylshyn tilinde tapsyrdy, dep habarlaıdy Ǵylym jáne joǵary bilim mınıstrligi.
Úshinshi aptanyń qorytyndysy boıynsha talapkerlerdiń 67,11%-y shekti ball jınady. Bes pán boıynsha ortasha ball 63 baldy qurady. Eń joǵary nátıje — 139 ball.
Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda UBT-ǵa 283 talapker qatysqanyn aıta ketken jón.
Talapkerlerdiń test tapsyrmalarynyń mazmuny boıynsha testileý aıaqtalǵannan keıin 30 mınýt ishinde apellıatsııaǵa berý quqyǵy bar. Tehnıkalyq sebepter boıynsha apellıatsııa tikeleı testileý kezinde qabyldanady. Nátıjeleri bar sertıfıkattar apellıatsııa qarastyrylǵannan keıin jeke kabınetterde qoljetimdi bolady.
— UBT-ny ótkizýdiń úshinshi aptasynda 179 ereje buzýshylyq anyqtaldy. 97 talapker smartfondardy, shpargalkalardy jáne basqa da tyıym salynǵan zattardy alyp kirmek bolǵany úshin testileýden shettetildi. Taǵy 82 adam testileý kezinde erejelerdi buzǵany úshin aýdıtorııadan shyǵaryldy, olardyń nátıjeleri joıyldy. Ózge adamdardyń ornyna kirý faktileri anyqtalǵan joq, — delingen habarlamada.
2026 jylǵy UBT aıaqtalǵannan keıin kúntizbelik jyldyń 31 qazanyna deıin beınejazbalarǵa taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda UBT nátıjeleri joıylady.
Esterińizge sala ketsek, testileýge qatysýǵa 184 myńǵa jýyq ótinish kelip tústi.
Budan buryn 2 naýryzda bastalǵan UBT-nyń alǵashqy eki aptasynda 67 myńnan astam talapker testileýden ótkenin jazdyq.
