UBT nátıjesi boıynsha mektepterdiń reıtıngisi jasalmaıdy
ALMATY. QazAqparat - Qazaqstanda UBT-da eń nashar jáne joǵary nátıje kórsetken mektepterdiń reıtıngisi jasalmaıdy. Bul týraly Almatyda Ǵylym akademııasynda pedagogtarmen, memlekettik organ ókilderimen kezdesýde QR Bilim jáne ǵylym mınıstri Erlan Saǵadıev aıtty, dep habarlaıdy QazAqparat tilshisi.
Pedagog mamandar mınıstrge jaqsy nátıje alý úshin aýdandyq ákimdikter men mektep basshylyǵy qysym jasaıtynyn aıtyp, shaǵymdandy.
«Nege ákimdikter mektep dırektorlaryna qysym jasaıdy? Mektep UBT jaqsy nátıje kórsetý úshin be? Óıtkeni, byltyrǵa deıin oblystar boıynsha UBT reıtıngi bar edi. Nashar nátıje kórsetken dırektor taıaq jeıtin. Bıyl biz reıtıng jarııalamadyq. Endi reıtıng bolmaıdy. Mektepter arasynda báseke bolmaıdy. Qaı oblys qandaı nátıje kórsetkenin tek birneshe adam ǵana biletin bolady. Maǵan qandaı adamdar qolqa salmady? Jýrnalıster, premer-mınıstr, vıtse-premer, prezıdent ákimshiligi. Olardyń eshqaısysyna aqparat aıtylmady. Óıtkeni ol qupııa», - dedi E. Saǵadıev.
Baǵalar budan keıin de qupııa saqtalady.
«Bul granttardy bólý júıesi. Budan ári osy baǵytta jumys jasaıtyn bolamyz. Jyl saıyn UBT aınalasyndaǵy shıelenis azaıatyn bolady», - dedi mınıstr.
Sonymen qatar, mınıstr Oblystar reıtıngisi jaıly mektepter qulaǵdar degen aqparatty joqqa shyǵardy.
