UBT qorytyndysyn tekserý qysqa deıin sozylady - Aımaǵambetov
«Balalar Ulttyq biryńǵaı testileýdi tapsyryp bolǵannan keıin de tıisti tekseris júrgiziledi. Ol tekseris qysqa deıin sozylady. Keıbireýler grant taratylǵanda ony jeńip alǵanymen vıdeolardy, balldaryn qaraǵan kezde ártúrli aýytqý tabylsa, onda grant joıylady», - dedi Ashat Aımaǵambetov mınıstrliktiń apparat jınalysynda.
Onyń atap ótýinshe, talapkerdiń qańtarda, naýryzda, mamyrda tapsyrǵan UBT qorytyndysy tekseriledi.
«Tekserý barysynda aýytqý 20, 30 balldan kóp bolsa, bizde kúdik paıda bolady. Biz ol balalardyń vıdeolaryn bólek tolyǵymen qaraımyz. Ulttyq testileý ortalyǵy osyndaı úlken jumys júrgizip jatyr. Eger kúndeliktegi matematıkadan baǵasy tómen bolsa, al UBT-da joǵary ball alsa, onda qaraımyz. Múmkin shyn máninde jaqsy daıyndalǵan shyǵar. Alaıda, bizde kúdik paıda bolady jáne vıdeosyn qaraımyz», - dedi mınıstr.
