UBT kezinde uıaly baılanysqa qarsy apparatýra qoldanylady - QR BǴM
ASTANA. 29 mamyr. QazAqparat - Bıyl quziretti memlekettik organdardyń ruqsatymen ulttyq biryńǵaı testileý beketterinde uıaly baılanysqa qarsy arnaıy apparatýra qoldanylady.
Bul týraly búgingi brıfıngte QR Bilim jáne ǵylym vıtse-mınıstri Mahmetqalı Sarybekov málim etti.
Onyń habarlaýynsha, ol qural-jabdyqtar byltyr Qazaq agrotehnıkalyq ýnıversıtetinde synaqtan ótti. «Ol kezde biz Qazaqstan, Reseı jáne Qytaı shyǵarǵan uıaly baılanysqa qarsy apparatýranyń tórt túrin baıqap kórdik. Osy qural-jabdyqtardy qoldanýǵa qajetti barlyq qujattar bar. Olar adam densaýlyǵyna zıyn keltirmeıdi», - deıdi M.Sarybekov. Vıtse-mınıstr atap kórsetkendeı, atalǵan qural-jabdyqtar aýdıtorııadan 2-4 metr qashyqtyqta ornatylatyn bolady.
