UBT kezinde oqýshylardy kemsitetin eshqandaı áreket jasalmaýy tıis - SQO ákimi
PETROPAVL. QazAqparat - Ákimdik otyrysynda bilim basqarmasynyń basshysy Gúlmıra Kárimova biryńǵaı ulttyq testileýge daıyndyq týraly aıtty, dep habarlaıdy QazAqparat tilshisi.
Bıyl Soltústik Qazaqstanda bitirýshilerdiń 71%-y UBT tapsyrady. Ótken jylmen salystyrǵanda olardyń sany 11% artqan. Balalar bir aıda eki ret test synaqtaryn tapsyrdy. UBT bastalǵanǵa deıin taǵy eki testileý josparlanǵan.
«Maı aıyndaǵy kórsetkishter boıynsha, ortasha ball 82,56 baldy qurap otyr. Ýálıhanov aýdanyndaǵy bitirýshiler ortasha 92,3 ball jınap jatyr. Ázirge bul eń joǵarǵy kórsetkish. Qyzyljar, Aqjar jáne Aqqaıyń aýdandarynda da bitirýshiler 82 baldan joǵary jınaǵan. 8 aýdandaǵy ortasha ball ortasha oblystyq baldan tómen bolyp otyr», - dedi G. Kárimova.
Bıyl alǵash ret bitirýshilerge UBT-ny aǵylshyn tilinde tapsyrýǵa ruqsat etildi. Soltústik Qazaqstan oblysynda bul múmkindikti eshkim paıdalanbaǵan.
Soltústik Qazaqstan oblysynyń ákimi Qumar Aqsaqalov Petropavl qalasy jáne aýdan ákimderine UBT-ǵa daıyndyq jumystaryna basshylyq etýdi tapsyrdy.
«Bul psıhologııalyq turǵydan alǵanda balalar úshin de, ata-analar óte jaýapty kezeń. Barynsha jaǵdaı jasaý qajet. Barlyǵy da baqylaýda bolsyn, eshqandaı kemsitý sharalary bolmaýy tıis. Aýdandarǵa ózderiń baryńdar, qalaı ótip jatqanyn kórińder», - dedi Q. Aqsaqalov.
