UBT kezinde «eki» men «úsh» alǵandardyń qatary azaıdy - Bilim mınıstrligi
ASTANA. QazAqparat - Jalpy alǵanda, sońǵy jyldary UBT-niń barlyq pánderi tapsyrmalarynyń kúrdelenýi ortasha baldyń sál tómendeýine ákeldi, dedi QR Bilim jáne ǵylym vıtse-mınıstri E. Imanǵalıev «Máńgilik Eldiń Máńgilik tili» taqyrybynda ótken dóńgelek ústel barysynda.
Qazaq tilinen testileýge qatysqan 28 795 mektep bitirýshiniń: 25 855-i (89,8%) - "4" pen "5"-ke tapsyrdy; 2867 bitirýshide (9,9%) - «3» degen baǵa,
73 bala (0,25%) 0-3 aralyǵynda ball jınap, «2» alǵan.
Ótken 2012 jylmen salystyrǵanda «3»-ke tapsyrǵandar 732 oqýshyǵa, al «2» alǵandar sany 45 balaǵa azaıǵan.
2013 jyly UBT-ge qatysqan mektep bitirýshilerdiń qazaq tilinen úlgerim deńgeıi 99,7%, bilim sapasy - 89,8 % quraǵan.
Aıta keteıik, orys jáne basqa ult ókilderi qatarynda memlekettik tildi jetik meńgergen, memlekettik tilden oqýshylardyń Respýblıkalyq olımpıadasynda, konkýrstarda jaqsy nátıje kórsetip júrgen, tipti bolashaq mamandyqtaryn qazaq tilimen baılanystyratyn balalar sany az emes.
