UBT kezinde balalardyń ar-namysyna nuqsan keltirý faktisi rastalmady

Bul týraly búgin Astanada qalalyq Іshki ister departamenti bastyǵynyń orynbasary Qaırat Muhıtov málim etti.

Esterińizde bolsa, maýsymnyń 1 kúni S. Seıfýllın atyndaǵy agrotehnıkalyq ýnıversıtette test tapsyrǵan túlekterdiń alǵashqy legin tekserý kezinde keıbir polıtsııa qyzmetkerleri jumys babyn asyra paıdalanyp, mektep oqýshylaryn ish kıimderine deıin tekserdi degen shý shyqqan bolatyn.

«Osy fakti boıynsha tekseris júrgizilip, polıtsııa qyzmetkerleri tarapynan laýazymdyq ókilettikterin asyra paıdalaný faktisi rastalmady. Qylmystyq quramnyń joqtyǵyna baılanysty qylmystyq is qozǵalmady», - dedi Q. Muhıtov.

Onyń aıtýynsha, 38 aryzdanýshynyń basym bóligi óz aryzdarynan bas tartyp, shaǵymdy ári qaraı qarastyrmaýǵa jazbasha túrde sendirgen.

«UBT uıymdastyrýshylarynyń qatysýymen polıtsııa qyzmetkerleri tyıym salǵan zattardy syrttaı tekserýdi temir izdegish quralmen júrgizgen. Qazirgi ýaqytta qyzmettik tekserý qorytyndysy boıynsha Astana qalasy ІІD Saryarqa AІІD qyzmetkerleri UBT ótkizýge jaýapty tulǵalar tarapynan quqyq buzýshylyqty boldyrmaýǵa shara qoldanbaǵandary úshin tártiptik jazaǵa tartyldy», - dep atap kórsetti ol.