UBT kezinde «0» ball alǵan bir túlek boldy - QR BǴM
ASTANA. QazAqparat - 2016 jyly UBT kezinde «0» ball alǵan bir túlek boldy. Bul týraly búgin QR Bilim jáne ǵylym mınıstrligi bilim jáne ǵylym salasyndaǵy baqylaý komıteti tóraǵasynyń orynbasary Lázzat Bólebaeva málim etti.
«Bıyl UBT kezinde testileýden shyǵarylǵandar boldy. Jalpy 38 oqıǵa boldy. UBT-ny ótkizý erejelerine sáıkes, nátıjeleri joıylǵan túlekter mektepte qorytyndy attestatsııany tapsyrady. Qoldaryna attestat emes, sertıfıkat alady. Olar kelesi jyly UBT-ǵa qatysýǵa quqyly. Nól ball alǵan jaǵdaılarǵa keletin bolsaq, bıyl ondaı bir oqıǵa tirkeldi», - dep atap ótti ol búgin Ortalyq kommýnıkatsııalar qyzmetinde ótken brıfıngte.
Ulttyq testileý ortalyǵynyń dırektory Qalı Ábdıevtiń aıtýynsha, UBT kezinde ol oqýshy testileýdi sońyna deıin aıaqtamastan shyǵyp ketken.
«Ol óziniń synaǵyn sońyna deıin toltyrmaı shyǵyp ketken. Nege olaı istedi, biz bilmeımiz, biraq ondaı fakt tirkelgen», - dedi ol.
Aıta keteıik, aǵymdaǵy 121 myń bitirýshiniń ishinde UBT-ǵa qatysýǵa 87 myń túlek ótinish bergen. Onyń ishinde qazaq tilinde - 83 330, 23 984 bala - orys tilinde oqyǵandar. Jalpy UBT uıymdasqan deńgeıde ótti. Bıylǵy ortasha ball - 81,2 ball.
