UBT: Qaıta keshendi testileýge qujattar 1 tamyzdan bastap qabyldanady
ASTANA. QazAqparat - Qaıta keshendi testileýge qujattar 1 tamyzdan bastap qabyldanady. Bul týraly búgin QR BǴM bilim jáne ǵylym salasyndaǵy baqylaý komıteti tóraǵasynyń orynbasary Lázzat Bólebaeva málim etti.
Onyń aqparaty boıynsha, testileý barysynda shekti 50 balldy 14 252 túlek jınaı almaǵan.
«Aǵymdaǵy jyly shekti deńgeıden óte almaǵan túlekter JOO-nyń aqyly bólimine túsý úshin, qaıta keshendi testileýden ótýge quqyly. Atalǵan testileý túrine qatysý úshin ótinishterdi qabyldaýdy JOO qabyldaý komıssııalary 1-i men 8 tamyz aralyǵynda júzege asyrady. Testileý 19-24 tamyz aralyǵynda ótkiziledi», - dep atap ótti ol búgin Ortalyq kommýnıkatsııalar qyzmetinde ótken brıfıngte.
Onyń málimetteri boıynsha, bıyl eń joǵary 125 balldy 19 bala jınady. 2015 jyly 5 mektep túlegi ǵana jınaǵan bolatyn. 100 balldan astam jınaǵan balalar sany - 16 565.
